Hold ctrl-tasten nede. Trykk på + for å forstørre eller - for å forminske. MAC-brukere holder cmd-tasten istedet for Ctrl-tasten

Neahttačájáhus girječálli ja dáiddár Ovlloš Juhána, Johan Turi birra. Jagi 2010 devddii Johan Turi girji MUITTALUS SAMIID BIRRA 100 jagi.

Govva 1: 100 jagi áigi dagahii Johan Turi duođai nuppástuhttima čállima dáfus. Son hutkkai juoidá maid ii oktage eará lean dahkan ovdal su - čállit girjji sámegillii!


Govva 2: Originála giehtačállosat leat čállojuvvon ovcci girjjážii čakčat 1908. Čálidettiin lea Johan Turi geavahan bliántta, kriitta ja čáhppes bleahkkapeanna. Muhtin sajiin lea Emilie Demant čálistan jorgalemiid dánskkagillii.

MUITTALUS SAMID BIRRA lea leamaš guovddáš lohkamuššan sámi buolvvaide skuvllain, internáhtain ja ruovttuin dan rájes go almmuhuvvui 100 jagi áigi.

Johan Turi mearkkašahtti girji čilge sámi jurddašanárbevieru ja kultuvrralaš máhtu ja dieđu.

Girji lea ain dán áigge dehálaš vuođđoteaksta sihke sámi girjjálašvuođas, filosofiijas ja kultuvra- ja servodatdiehtagiin.

Johan Turi bajásšattadettiin gaskkal 1854 ja 1874 ii lean sámegiella almmolaš giella Norgga, Ruoŧa, Suoma dahje Ruošša almmolašvuođas. Muhtin risttalaš girjjit ledje sámegillii.

Sámegiella ii oahpahuvvon skuvllain. Muhto eahpitkeahttá, muhtumat aŋkke ohppe ieža lohkat ja čállit.

Govva 3: Johan Turi originála giehtačálus “Piertna bira”. Dás oaidnit Emilie Demanta jorgaleami dánskagillii.

Govva 3: Johan Turi originála giehtačálus "Piertna bira". Dás oaidnit Emilie Demanta jorgaleami dánskkagillii.

Okta sis lei Ovlloš Juhán, dahje Johan Thuuri, nugo ieš dávjá čálii iežas nama. 

Johan Turi girjji MUITTALUS SAMID BIRRA  sáhttá lohkat máŋgga ládje.

Su girji lea sámi klassihkkár ja lea máŋgii almmuhuvvon ođđasit sámegillii. Girji lea jorgaluvvon ovcci eará gillii: dánskka-, duiskka-, ruoŧa-, eŋgelas-, suoma-, uŋgára-, itália-, fránskka- ja japánagillii. 

Govva 4. Johan Turi: Govva I. MUITTALUS SAMID BIRRA 1910: Govvamáhppa.

Su giehtačállosat leat dál vurkejuvvon Nordiska Museum vuorkkáin Stockholmas. 

Skábmamánus 2010 buvttii sierra konserváhtor Johan Turi giehtačállosa 100 jagi ávvočájáhussii maid Sámi Arkiiva ja Sámi allaskuvla lágidedje Diehtosiiddas Guovdageainnus.

Govva 5. Johan Turi: Govva III. MUITTALUS SAMID BIRRA 1910: Govvamáhppa.

Girjái MUITTALUS SAMID BIRRA lei Johan Turi sárgon 14 gova liige govvamáhppii.

Su govvadáidda šattai bivnnut, ja sárgumat 1910-govvamáhpas leat dán áigge ee. almmolaš dáidda, nu go Sámi joatkkaskuvllas- ja boazodoalloskuvllas Guovdageainnus. Govat čájehit oasi Johan Turi 1910-govvamáhpas.


* Johan Turi:  Muitalus sámiid birra (2010:123).




.