Hold ctrl-tasten nede. Trykk på + for å forstørre eller - for å forminske. MAC-brukere holder cmd-tasten istedet for Ctrl-tasten

Vuođđogiehtačálus maid Johan Turi lei čállán, almmuhuvvui girjin oktan Emilie Demant dánskkagiel jorgalusain juovllaide 1910. Girjái lei Johan Turi sárgon 14 gova liige govvamáhppii. Su sárgumat čilgejit ee. sápmelaččaid bivddu, johtimiid, gárddástallamiid ja siiddastallamiid.

Govva 11: "...imašleamos čálus maid oktage sápmelaš leaš goassige dahkan...” rámpui Knut Hamsun maŋŋel go girji ilmmai juovllaide 1910. Girji lei MUITTALUS SAMID BIRRA, ja dat deaddiluvvui olles golmma gearddi jagiid 1910 ja 1911.


Emilie Demant barggai sullii guokte jagi ovdalis Københavnas gárvvistit Johan Turi vuođđogiehtačállosiid.

Girjái čállojuvvojedje olles golbma ovdasáni. Čállit ledje Thomsen, Demant ja Hjalmar Lundbohm. Lundbohm lei LKAB-disponeanta Gironis ja lei maid veahkkái ruđalaččat ollašuhttit Turi girjeprošeavtta.

Nils Nilsson Skum, sámi dáiddár ja boazodoalli Davvi-Sámis, sárggui gova ovdasiidui.

Lágádus lei Nordiska bokhandeln AB Stockholmas.

Girji lea almmuhuvvon ođđasit 1965, 1986 ja 2010, maiddái jietnagirjin 2010. 

Áiggi mielde lea girji almmuhuvvon golmma sámegiel čállinvuogi mielde.



Ođđaseamos prentosa várás 2010 lea Mikael Svonni dárkkistan Johan Turi giehtačállosiid ja lea dulkon daid ođđasit nu got Turi ieš várra hutkkai dieđuid ja muitalusaid ja lea maiddá divvon muhtin boasttudulkomiid ovddit prentosiin.




Govva 13: Johan Turi lea gohčodan gova "Čakčat ragatáiggi eallu livvasajis".

Ná čilge Johan Turi iežas girjeprošeavtta:

Govva 14: Johan Turi Muitalus sámiid birra, ČálliidLágádus, 2010.

"Mon lean jurddašan, ahte dat livččii buoremus, jos livččii dakkár girji, masa lea visot čállojuvvon bajás sámi eallin ja dilli, vai eai dárbbaš jearrat got lea sámi dilli ja eai beasa botnjat nuppe ládje – dakkárat guđet háliidit sámiid ala gielistit – ja botnjat visot beare sámiid sivalažžan (...). Ja dasa ferte čállit visot dáhpáhusaid ja čilgehusaid, vai boađášii čielggas nu ahte ipmirda juohke olmmoš (...)." (Muitalus sámiid birra 2010:11.)



.