Bures boahtin Sámi Arkiivii!

Diehtosiida. Sámi Arkiiva lea gávdnomis viessu nubbi geardis. Govven: Sarah Sørensen&Bent Raanes

Diehtosiida. Sámi Arkiiva lea gávdnomis viessu nubbi geardis. Govven: Sarah Sørensen&Bent Raanes

Sámi Arkiiva lea Guovdageainnus ja das gávdnu priváhtaolbmuid, organisašuvnnaid, ásahusaid ja fitnodagaid arkiivvat. Sámi Arkiivas lea maiddai deponerejuvvon almmolaš arkiivvain main lea mearkkašupmi sámi servodahkii, historjái ja kultuvrii. Dás gávdnu Sámedikki, Sámi allaskuvlla, Gáldu ja Guovdageainnu suohkana arkiivvat.

Sámi Arkiivvas lea našuvnnalaš ovddasvástádus váldit vuostá, seailluhit ja gaskkustit álbmogii arkiivamateriála sámi servodagas.Ulbmilin lea sihkkarastit čálalaš historjjálaš gálduid mat sáhttet čuvget sámi historjjá, ja lágidit daid nu ahte olbmot daid olahit. Dat lea maiddái deaŧalaš vuođđun sámi giella-, historja- ja kulturbarggus. Arkiivamateriála sáhttá leat bábir ja jietna.

Váldde oktavuođa Sámi Arkivain jus áigu buktit arkiivamateriála arkiivii. Go buvtte materiála čálihuvvo šiehtadus gos goappaš at-áššáiosolaš vuoigatvuođat ja geatnegasvuođat boahtá ovdan.  

Sámi Arkiivas lea oktasaš boađahat Sámi allaskuvla girjerájusin  Diehtosiidas .

Duogaš

Lea guhkes áigi leamašan dárbu Sámi dutkanarkiivii. Prošeakta Sámi arkiivvat álggahuvvui 1988:s, ja lei NAVF (Norges almenvitenskapelige forskningsråd), Sámi Instituhta ja Arkivverket ovttasbargoprošeakta mas lei ulbmilin sihkkarastit sámi historjjá čálalaš gálduid. Sámi arkiiva-vuoððudus ásahuvvui oððajagimánu 1.b. 1995. Oððajagimánu 1.b. 2005 rájes válddii Riikkaarkivára badjelasas hálddašanovddasvástádusa Sámi arkiiva-vuoððudusas. Sámi Arkiiva  lea dál oassin Arkivverket-doaimmahagas Norggas ja ruhtaduvvo stáhtabušeahta bokte.