Hold ctrl-tasten nede. Trykk på + for å forstørre eller - for å forminske. MAC-brukere holder cmd-tasten istedet for Ctrl-tasten

Ođđajagis 1911 ilmmai diehtu girjjis MUITTALUS SAMID BIRRAaviissaide. Sihke Stockholms Dagblad, Politiken, Verdens Gang (VG), Ságai Muittalægje ja Waren Sardne čálle ođđa sámi girjji ja vuosttaš sámi girječálli Johan Turi birra. Knut Hamsun almmuhii kronihka Turi girjji vuođul Politiken- ja Verdens Gang-aviissain.


Sagai Muittalægje, 15.01.1911

Govva 15: Sagai Muittalægjes iđistii diđoš Turi girjji birra aviissa vuosttaš siiddus 15.1.1911. Dalle lei girjji vuosttaš deaddileapmi vuvdojuvvon visot ja girji fertii nuppes deaddiluvvot.


 
Johan Turi girje.
Mi muittaleimek gieskad atte muttom Bagje-sabmelaš Johan Turi Ruotarikast læ čalam ovta girje. Dam namma læ "Muittalus Sami birra. En bog om lappernes liv av Johan Turi. Udgivet med dansk oversettelse af Emilie Demant. Hermed ett Atlas med 14 tavler." Dat girje læ prentejuvvum Stockholmast, A.B. Nordiska Bokhandeln´est. Dat maksa 10 kruvna. Girje læ dal olgus vuvddujuvvum, mutto læ fast oddasest prenttijuvvumen (Sagai Muittalægjes 15.1.2011).



Københámmanis almmuhii Politiken Knut Hamsuna kronihka Turi girjji birra 15.01.1911.

Kronihkka En Bok om Lappernes Liv lei čállon dánskkagiel jorgalusa vuođul.



VG 15011911 s. 1

Govva 16: "Muitalus lea vilššas dego ája, dat šuddida (...). Duovdagat leat nu čábbát ahte dat boagustit, son dadjá."

VG 15011911 s.2

... Dajahusain govvidii Hamsun Johan Turi muitalanvuogi ja čállinattáldagaid iežas kronihkas Verdens Gang aviissas. 15.1.1911.

Kronihkkačálli Knut Hamsun lei ieš dovddus girječálli gii oaččui čáppagirjjálašvuođa Nobelbálkkašumi 1920.

Hamsun árvvoštallá Turi girjji sisdoalu ja eksperimentála njálmmálaš čállinvuogi, muhto deattuha maiddái boazosámiid váttis diliid koloniserema sivas.

G14: Bihttá “Knut Hamsun norsk advokat i reinbeitespørsmaalet” lei sámi áviissas Waren Sardne 4.3.1911. Bihttá lei álggos almmuhuvvon Stockholm-áviissas Stockholm Dagblad.

Govva 17: Čálus "Knut Hamsun norsk advokat i reinbeitespørsmaalet" almmuhuvvui sámi aviissas Waren Sardne 4.3.1911.

Logadettiin Turi girjji Hamsun oaidná, dovdá ja vásiha boazosámi máilmmi girjji govvidemiid vuođul!

Kristianias deaddilii Verdens Gang (VG) Hamsuna kronihka Turi girjji birra aviissa vuosttaš siidui sotnabeaivvi 15.1.1911.

Hamsun fuobmái Turi gielalaš attáldagaid ja movt son nákcii sániiguin sárgut govaid: Logadettiin lohkki ii oaččo dušše dieđuid muhto vásiha ieš boazosámi máilmmi! Hamsun geavahii ieš seammasullasaš čállinstiilla iežas čállimis maŋŋil.

Stockholmas almmuhii maiddái Stockholms Dagblad Hamsuna kronihka Johan Turi girjji birra. Lassin lei aviisa čállán politihkalaš kommentára dasa; Knut Hamsun norsk advokat i reinbeitespørsmaalet. Čállosis aviisa moaitá Hamsuna seaguhan iežas Norgga ja Ruoŧa boazodoallokonvenšuvdnadigaštallamiidda. 

Norgga sámi aviisa Waren Sardne deaddilii 4.3.1911 Stockholm-aviissa liigekommentára Hamsuna kronihkkii. Waren Sardne čuovvolahtii digaštallamiid Norgga ja Ruota boazodoallokonvenšuvnna birra ja MUITTALUS SAMID BIRRA čadnojuvvui Norgga ja Ruoŧa stáhtaid gaskasaš digaštallamiidda.



.