.jpg?quality=50)
Arkivverket startar arbeid med å forbetre Noark 5
Med bakgrunn i utkast til ny arkivlov, (Prop. 52 L (2024–2025) Lov om dokumentasjon og arkiv (arkivlova)), ser Arkivverket behov for å gjennomføre vedlikehald av Noark-standarden.
Arkivverket har tidlegare stoppa utviklinga av Noark, for å fokusere på ein ny standard meir tilpassa framtidas behov. Dette arbeidet har vore meir utfordrande enn forventa, og vi ser oss nøydd til å gjere enkle forbetringar av dagens Noark-standard.
I januar 2025 starta Arkivverket arbeidet med å løyse kjende, mindre utfordringar i Noark 5-standarden versjon 5.0. Målet er å tydeleggjere, forenkle og konkretisere standarden basert på tilbakemeldingar og erfaringar frå arkivskaparar, leverandørar, arkivinstitusjonar og Arkivverket sjølv.
Arbeidet fokuserer på å:
- Gjennomgå eksisterande innspel og endringsforslag for å vurdere og prioritere nødvendige justeringar.
- Konkretisere og innarbeide mindre endringar som forbetrar standarden og gjer han enklare å bruke i praksis.
Prosjektet er planlagt ferdigstilt innan utgangen av mai 2025, og er venta publisert sommaren 2025.
Kva er Noark?
-
Noark-standarden (Norsk arkivstandard) inneheld krav til IT-løysingar der offentleg sektor lagrar dokument som er arkiv- og journalføringspliktige.
-
Målet er at vi skal ha tillit til arkivdokument over tid, og at vi skal kunne bruke dei og ha tillit til dei etter at systemet dei er skapte i, er tekne ut av bruk.
-
Det igjen sikrar at vi får gode arkiv for ettertida: Vi kan seie noko om kva som skjedde, når det skjedde og kven som avgjorde det.