«Mii leat nai dás! Vajalduvvon joavkkuid čalmmusdahttin» («Vi er også her! Synliggjøring av glemte grupper») lea ođđa prošeakta mas áigut ohcat, váldit vára ja gaskkustit arkiivamateriála viđa váljjejuvvon joavkkus. Dát joavkkut leat unnan dokumenterejuvvon Finnmárkkuarkiivvaid čoakkáldagain, ja mis váilot dieđut maŋit áigái sin doaimmaid ja eallindili birra sin iežaset geahčastagas.
Kulturráđđi lea juolludan Várdobáiki sámi govddašii prošeaktaruđaid 3-jáhkai prošektii Sámi sátnefriddjavuohta ja servodatdoaibma. Prošeakta gálgá skal dokumenteret, čalmmustahttit, seailluhit ja gaskkustit lahka politihkalaš ja kultuvrralaš vássánáigi Davvi Norlándas ja Lulli Romssas. Sámi Arkiiva lea mielde prošeavttas.
Sámi Arkiivvas leat vurkejuvvon luođit omd. Thor Frette arkiivvas (SAMI/PA1034), Ruong, Frette&Jernslettens samiske språkkolleksjon (SAMI/PA1033) arkiivvas ja Juoiggas. Juoigiid Searvi luohtevuorká arkiivvas (SAMI/PA-1139).
Arkiivat gávdnojit Arkivportalen – ohcanbálvalusas ja leat ee gávdnomis Joik dahe luohti ohcansániid bokte.
Buohkat leat buresboahtin guldalit luđiid!
Váldde oktavuođa ja šiehta gálledanáigi Sámi Arkiivain.
Luohtegiisa bođi johtui jagi 2012 ohcami ja doarjagit bokte Kulturráđis ja lagas ovttasbargu DigForsk AS´ain.
Juoiggas! Juoigiid Searvvi luohtevuorká
Jagi 2015 Arkiiva- beaivi oktavuođas šiehtaduvvui Juoigiid Searviin ráhkadit sierra arkiiva. Ulbmilin lei hástalit olbmuid juoigat ja loktet beroštumi luđiide.
Sámi Arkiiva áigo loktet luođi almmolašvuođas. Juoiggas! Juoigiid Searvi arkiiva lea sámi vokálaarkiiva mas leat digitála vokála- báddemat mat lea vejolaš guldalit Sámi Arkiivas. Arkiivii galgat dađistaga čohkkejuvvot eambbo luođit.
Arkiiva lea dal almmuhuvvon neahtas Arkivportalen- ohcanbálvalusa bokte. Neahtta bokte lea vejolaš guldalit oanehis luohtebihtáid.
Čujuhusat
Ođđa luottaid Davviriikkaid ja Eurohpá arkiivvaide!
Ulbmil bargguin lea kártet guovddáš sámi kulturárbearkiivvaid Eurohpás ja gállit digitála luottaid dohko. Ovttasbargu riikkarájiid rastá Davviriikalaš máhttoásahusaiguin ja riikkaidgaskasaš eamiálbmotarkiivabirrasiiguin lea guovddáš oassin barggus. Interreg Davvi oasseguovlu Sápmi doarju prošeavtta.
Ovttasbargoguoimmit leat University of Lapland, Oulu universitehta, Umeå University, Sámi Arkiiva / Saamelaisarkisto ja Sámi arkiiva/Arkivverket. Lea University of Lapland mii jođiha prošeavtta.
Prošeaktaáigodaga. 01.07.2018-31.12.2020
Accessible Archives – prošeavtta ruoktosiiddu
Interreg.no
Facebook
Provisorisk gjerde. Foto: Erik Borg. Samisk arkiv.
Interreg Davi birra
EU-prográmma Interreg Davi áŋgiruššansuorgi áigodagas 2014-2020 lea rádjerasttildeaddji ovttasbarggu Norgga, Suoma ja Ruoŧa davit guovlluin, dán vuolde maiddái oasseguovlu Sápmi. Prošeavttat galget ovddidit guovllu ekonomalaš ja sosiála ovdáneami dan bokte ahte nannet gilvonávcca ja dahkat dan geasuheaddji guovlun. Norga oassálastá prográmmas “ii-EU-riikan” ja ruhtadeapmi boahtá stáhtabušeahta bokte. Dat rahpá vejolašvuođa hukset čovdosiid oktasaš hástalusaide dan bokte ahte ovttasbargat prošeavttas Ruoŧa ja Suoma beale ovttasbargoguimmiiguin.
Prošeaktačilgehus:
Sámi arkiiva lea ásahan ođđa prošeavtta man namma lea Doalli – digitála bálgát ođđa sámi máhttui. Áigumuš lea guorrat ja dutkat dehálaš gáldoávdnasiid arkiivvain. Mii suokkardit amas sámi gálduid ja čájehit man mávssolaš lea gállit digitála luottaid arkiivvaide ođđa sámi máhttoovddideami dihte.
Prošeavtta ulbmil lea nannet sámi digitálafágalaš arkiivasuorggi mas geavaheaddji lea guovddážis. Doalli galgá ovddidit máhttovuođu mii deavdá dálá sámi kvalitehtagáibádusaid go galgá almmuhit sámi materiála almmolaš (web)báikkiide.
Prošeaktaeaiggát: Sámi arkiiva/Arkiivadoaimmahat
Prošeaktaovddasvástideaddjit: Grete Gunn Bergstrøm, Hans Nicolai Nissen
Dáppe sáhtát lohkat eambbo Doali birra.
